Quranda bildirilir ki, bütün ibadətlər qəlbən və yalnızca Allah rizası üçün edilməlidir.

Allah Quranda göstəriş üçün infaq edən və ya göstəriş üçün namaz qılan insanların olduğunu bildirmişdir. Ancaq ayələrdə də xəbər verildiyi kimi, namaz qılan, oruc tutan, zəkat verən və itaət edən insanın niyyəti daha vacibdir. Bu insanlar namaz qılarkən Allahı düşünmürlər. Onun qarşısında nə qədər aciz olduğunu dərk etmədən yalnızca ağızları ilə dua və təriflər deyə bilirlər. Yaxud da bir insan tez-tez xeyirli işlər görə, məktəblər açıb, kasıblara kömək edə bilər.

Lakin həmin insan bütün bunları Allahın ondan razı olmasını istəyərək, Allah qarşısında aciz və möhtac olduğunu düşünərək və axirətdən qorxaraq etmirsə, ibadətləri Allah Qatında qəbul edilməyə bilər.

Allah bir ayədə insanların kəsdikləri qurbanların qanlarının yox, təqvalarının Ona çatacağını belə bildirmişdir:

Bir çox insanın ən böyük səhvlərindən biri odur ki, onlar yalnızca əməllərinə görə sorğu-suala çəkiləcəklərini zənn edirlər. Halbuki Allah insanın niyyətinə, düşüncələrinə və qəlbində gizlətdiklərinə görə də sorğu-suala çəkəcəyini bildirir:

Allah hər bir insanın qəlbini, düşüncəsini, şüuraltını və insanlardan gizlətdiklərini ən yaxşı biləndir. Allah insan ilə qəlbi arasındadır. Qısası, insan heç bir şeyini Ondan gizləyə bilməz. Ağlındakı şübhə, vəsvəsə, möminlər barəsindəki həqiqi düşüncələri, Quran haqqındakı inancı, ibadətləri yerinə yetirərkən ağlından keçənləri Allah bilir və bunların hamısı mələklər tərəfindən yazılır.

Məsələn, bir ibadəti ürəkdən etmirsə, qəlbindən pis fikirlər keçirsə Allah bunu bilir. İnsan axirətdə bunların hər birini qarşısında görəcək. İnsanın xilas yollarından biri qəlbinin təmiz olması, din əxlaqını səthi deyil, qəlbində, fikirlərində səmimi olaraq yaşamasıdır. Qısa və keçici həyat üçün axirətdəki sonsuz və həqiqi həyatı gözdən qaçırtmaq böyük ağılsızlıq olar. Allahın dünya həyatının keçiciliyi haqqında insanları xəbərdar etdiyi ayələrdən bəziləri belədir.